Lët’z druddel!

eng kabarettistesch Liesung vum a mam Marc Weydert

Wéini? – Mëttwoch, 11. Dezember 2024 um 19h30 (ca. 70 Minutten)

Wou? – Um 2. Stack vum Mierscher Lieshaus (kee Lift)

Gratis Entrée

Umeldung obligatoresch ënner 32 50 23 550 oder op [email protected]

Beschreiwung

« Lët’z druddel! » ass eng kabarettistesch Liesung vum a mam Marc Weydert. A sengen Texter spillt den Diplompädagog a Musiker mat der Lëtzebuerger Sprooch, kroomt or alt emol e puer méi al Ausdréck ervir a suergt esou fir lëschteg 70 Minutte voll mat Humor an Ironie.

Ugefaangen huet alles mam Buch « Verdruddelt Geschichten », verdréinten Erzielungen op Lëtzebuergesch an a Versform, fir dat de Marc Weydert zesumme mat der Illustratrice Marie-Isabelle Callier 2021 mat engem 1. Präis beim Concours littéraire national belount gouf.

Duerno koumen « Zerknujelt Geschichten » (Abrëll 2023) an « Alarm am Geessenhaus » (September 2024) fir Kanner derbäi.

Den Auteur geet och mat senger kabarettistescher Liesung fir Erwuessener op den Tour. An enger décker Stonn presentéiert hie seng Texter, op Lëtzebuergesch, a Versform, a Verbindung mat bekannte Wierker aus der Literatur, awer och mat der Aktualitéit an der Gesellschaft, dat Ganzt mat engem staark ironeschen Ënnertoun. Begleet ginn d’Texter deelweis vun Illustratioune vum Marie-Isabelle Callier.