Ënnert der Leedung vum Jang de Blannen (1296– 1346), gräift am September 1324, also viru genee 700 Joer, eng Koalitioun vu véier groussen Hären d’Stad Metz un. De Bierger vun der Muselmetropol gëtt virgeworf, Wucher ze bedreiwen an ze arrogant opzetrieden. Et geet awer virun allem drëms, déi fräi Räichsstad z’eroberen.

Eng helle Wull vun Dokumenter, ënner anerem spannend narrativ Quelle berichten iwwert dëse feelgeschloenen Aggressiounskrich, wou de Jang de Blannen a säi Monni de Balduin, Äerzbëschof vun Tréier, net ëmmer positiv duergestallt ginn. Hei am Land gëtt de Grof vu Lëtzebuerg a Kinnek vu Béimen zanter dem 19. Joerhonnert als Held gefeiert, mee dat war net ëmmer an iwwerall de Fall: Dëse Krich géint Metz gëtt als Ausgangspunkt geholl fir dem Jang de Blanne säi méi ambivalent Bild an der zäitgenëssescher Literatur ënner d’Lupp ze huelen.

Pierre Blanc (1872–1946), Extrait d’un projet de vitrail montrant l’entrée de Jean l’Aveugle dans la ville de Luxembourg en 1310, 1907, encre sur papier, réinterprété par Vitraux d’art Bauer & Rathmann, 2022, virtrail © Les 2 Musées de la Ville de Luxembourg