Cette description n’existe pas en français.

Gratis Umeldung: https://pretix.eu/bnl/friessen/c/Ubxeirt0j/

Am Laf vun der Geschicht wor de Kannibalismus-Virworf en exzellent Mëttel, fir friem Kulturen a Mënschen ofzewäerten. A sengem Concert-Virtrag behandelt de Guy Schons d’Verfollgung vun de „Ketzer“, Judden an „Hexen“, deene reprochéiert gouf, Kanner fir rituell Zwecker ze schluechten, d’Kolonialiséierung vun der „Neier Welt“ an d’Bekéierung vun den indigene „Mënschefrësser“, bei där och Lëtzebuerger Missionaren eng Roll gespillt hunn. Thematiséiert gëtt och den Hongerkannibalismus am 30-järege Krich an d’Heelmëttel op Basis vu mënschleche Substanzen. Agebonnen an de Virtrag séngt de Guy Schons eng Rei Lidder, déi zum Thema passen.

De Guy Schons ass e fräischaffende Sänger, Gittarist a Kulturhistoriker. 1975 huet en den Ensembel Dullemajik gegrënnt an zënterhier eng Rei LPën a CDë mat Vollekslidder an -dänz aus Lëtzebuerg publizéiert. Ausserdeem huet de Guy Schons Bicher a Bäiträg iwwert ’Kulturgeschicht vum Mëttelalter bis an d’20. Joerhonnert publizéiert.