An hirem éischte Solo-Programm fir d’Bün léisst d’Laure Schreiner d’Magie vum Kannerbuch Alice’s Adventures in Wonderland vum Lewis Carroll verschmëlze mat engem Bléck op eis sozial a politesch Géigewaart. „Theater ass fir mech Ënnerhalung“, seet si, „de Public soll laachen, awer och fir een Ament a sech goen.“ Mol satiresch, mol humoristesch kritt een op déi Manéier een Androck vum Verwonnerland Lëtzebuerg. Am Zentrum steet d’Situatioun vun de Jonken, ënner anerem hir Onsécherheet vis-à-vis vum Immobiliemarché an der Beruffswal. Och d’Ufuerderungen, déi un eng modern Fra gestallt ginn, ginn opgegraff. D’One-Woman-Show, fir déi de Jemp Schuster d’Mise en scène iwwerholl huet, bestécht duerch hire literareschen Toun, hir kritesch Haltung an hire séiere Witz.

Coproduction – CAPE – Centre des Arts Pluriels Ettelbruck ; Cube 521

Text, Iddi an Interpretatioun – Laure Schreiner

Regie – Jemp Schuster

Illustratiounen – Mélusine Mainville