Veranstaltungsort: Aalt Stadhaus – Salle de spectacle

Krus du scho vun Opreegung kee Wuert méi raus? Oder bass richteg rose ginn? Huet däi Bauch schonn eng Kéier gekribbelt? Oder wollts du vu Freed an d’Luucht sprangen?
Sinn dat villäicht Gefiller? A wéi geet ee mat deenen ëm? Freed, Trauer, Angscht, Opreegung, Gléck, Roserei oder Neutralitéit – all dës Emotiounen erfuersche mir mat dir zesummen. Zwou Dänzerinnen an e Museker weisen dir, wéi si déi verschidden Emotioune spieren a wéi d‘Gefiller hiren an däi Kierper kënne beaflossen. Komm mat an eng Welt voller Emotiounen, 
Beweegung, Faarwen a Kläng!

Ateliers pédagogiques

Ateliers pédagogiques ginn op Ufro virun oder no der Virstellung ugebueden. En Dossier pédagogique gëtt zur Verfügung gestallt.

Zousätzlech Informatiounen

•  – Konzept a Projetsleedung: Sandra Beck
•  – Choreografie: Sissy Mondloch
•  – Danz: Sissy Mondloch, Ileana Orofino
•  – Musik: Amit Dhuri
•  – Choreografesch Begleedung: Giovanni Zazzera
•  – Kostüm a Bünebild: Lynn Scheidweiler
•  – Theaterpedagogesch Begleedung: Milla Trausch
•  – Grafikdesign: Oriana Weyer
•  – Produktioun: LUCODA – Luxembourg Collective of Dance
•  – Koproduktioun: Mierscher Theater
•  – Partner: Fondation Sommer, Centre d’Information et Prévention – D’Ligue
•  – Mat der Ënnerstëtzung: vun Fondation Sommer, OEuvre Nationale de Secours Grande-Duchesse Charlotte, Fondation Indépendance by BIL
•  – Alter: ab 6 Joer
•  – Dauer: 50 Minutten
•  – Sprooch: Ouni Wierder